Ըստ վարորդների հետիոտները լինում են 2 տեսակ`խորամանկ ու մեռած:
Նախ տանք ընդհանուր հետիոտն բառի սահմանումը.Սահմ.`հետիոտնը դա մի էակ է,ում ոտքերը չեն գերազանցում 4-ը և ով գտնվում է երթևեկության կանոններից դուրս:
Հետիոտնը 2 տեսակի է լինում`անվտանգ (հետիոտն,որը գտնվում է գետնանցումում,կիրթ է,վախեցած է) և ոչ անվտանգ…
Ոչ անվտանգները լինում են մի քանի տեսակի…
1.Ցնդած տոտա…
Նկարագրությունը`
Կանանց մի տեսակ`հաճախ 1 կամ մի քանի պայուսակներով:Անցնում է փողոցը արագ,հաստատուն արագությամբ առանց նայելու ոչ աջ,ոչ ձախ և ոչ էլ նույնիսկ առաջ:Հանդիպում են ամենուր:
Պայքարելու միջոցներ`չկա….
2.Թոշակառու
Նկարագրությունը`
Անցնում է ուղիղ հետագծով`մտքում,երբեմն քթի տակ հայհոյելով կառավարությանը:
Պայքարելու միջոցներ`
Տեսնելու դեպքում կանգնել և ճանապարհ տալ,քանի որ սովորեցնել կանոններին արդեն ուշ է,իսկ մեքենայի տակ գցելը`անիմաստ:
3.Ալկաշ անցորդ
Նկարագրությունը`
Հիմնականում արական սեռի է:Քայլում է`տարօրինակ հետագիծ թողնելով,ինչու չէ նաև նյութական: Նա չի ենթարկվում երթևեկության կանոններին,ավելին`նա ինքն իրեն չի ենթարկվում:
Պայքարելու միջոցներ`
Արագությունը փոքրացնել և դանդաղ նրան շրջանցել`պահելով մաքսիմալ հեռավորությունը`քանի որ նա իր կարծիքով այդ պահին ամենակարող է:
4.Երեխաներ
Նկարագրություն`
Հիմնականում փողոցը վազում են`անցնելու փոխարեն`3-5 հոգով:Ինքնապաշտպանական բնազդը,վախը ոստիկանությունից և արարքի վտանգավոր լինելու գիտակցումը բացակայում է:
Պայքարելու միջոցներ`չկա:
5.ճանապարհային ոստիկանություն`
Նկարագրություն`
Նրանք գտնվում են երթևեկության կանոններից դուրս:Մտածում են,թե կատարում են կարևոր աշխատանք,բայց դա իրականությանը չի համապատասխանում,որն էլ թույլ է տալիս դասակարգել նրանց հետիոտների շարքը:
Պայքարելու միջոցներ`
Լինել սթափ,ունենալ բոլոր փաստաթղթերը,հետևել կանոններին:
6.Սիրուն աղջիկներ
Նկարագրությունը`
Քայլում են մի գծով,հպարտ,երբեմն ծիծաղելով`աչքերը փակած:Վստահ են,որ գեղեցիկ են ու նրանց գեղեցկությունը կստիպի կանգնել կամայական վարորդի:
Պայքարելու միջոցներ`
Նա կանգ չի առնելու,հետևաբար ճանապարհը զիջել:
No comments:
Post a Comment